MPYCC-in kawng zauh an tlawh

Congress patty ṭhalai, MPYCC-te chuan nimin khan UDPA hmalaknaa Dawrpui Vengthara Dinthar panna kawng péngṭhuam zauh hna thawh an tlawh.

Kawng zauh ennaah hian MPYCC vice president F Lalhmangaiha chuan, Mizoram sorkarin Aizawl khawpuia chengte a ngai pawimawh a, kawngpui péngṭhuam hrang hrang zauh hna thawh tawh a nih thu a sawi a, "Dinthar junction zauh hna thawhna atana UDPA minster Zodintluanga'n sum a ngaihtuah te, PWD minister Lal Thanzara leh PWD Aizawl Road South Division-a thawktute'n hun rei lo te chhunga chak taka an thawk zo hi a lawmawm hle a ni," a ti.