KHAWTHLIR
HSLC result
Mizoram Board of School Education chuan (MBSE) vawiin chawhma dar 11 hian High School Leaving Centificate (HSLC) Examination 2018 result a tichhuak dawn a; Chaltlanga MBSE pisa kawtah leh webiste www.mbse.edu.in ahte en theih a ni ang.
Endik dawn
Green Mizoram Network (GMN) chuan Champhai district pum ram kâng dinhmun endik hna (monitoring & evaluation) an thawk dawn a; endik turin nimin khan GMN hruaitute'n Champhai an pan. GMN chuan, Champhai district-a khaw hrang hrang an fan turah khawtlang hruaitute leh kângmei ven kawnga a kaihhnawih department hrang hrangte ṭawiawmna an ngen a ni.
MLA-in enfiah
Lunglei East bialtu MLA Joseph Lalhimpuia chuan May 1, Thawhlehni khan a bial chhung, Lunglei Chanmari Venga Millennium Road siam mek tlawhin, hna thawh dan a enfiah a; Millennium Road siamṭhat nan hian sorkarah theihtawp chhuah a hmalak a tum thu a sawi.
Certification training
Mizoram chhim lam district pathum - Lunglei, Siaha leh Lawngtlaia ERO leh AERO-te tan nimin khan Lunglei DC conference hall-ah Certification Training buatsaih a ni a, Lunglei additional DC Benjamin Lalzama'n a hawng. Training-ah hian Siaha aṭangin ERO leh AERO pali, Lawngtlai aṭangin pathum leh Lunglei aṭangin 14 an tel a; training neih zawhah ECI-in online exam a buatsaih dawn a, a pass-te hnenah certifcate pek a ni ang.
Heroin man
Champhai police-te chuan May 1, Thawhlehni khan Zokhawthar kawnga Mualkawi leh Melbuk inkar, Champhai District Park péngah heroin hawng 20 leh a neitua puh lirthei neitu leh a khalhtu Lalruatfela (27) s/o Ralliana (L), Zokhawthar nia insawi chu man. Heroin hi tualchhunga hralhna ang chuan cheng nuai 10 hû a ni.