Aizawl Sahuan a tlawh theih tawh dawn

Deputy Conservator of Forest (WL) Lalnunzira, Aizawl Zoological Park director ni bawk chuan nimin khan Aizawl Sahuan chu sorkar inkaihhruaina angin October 16, 2021 thleng mipui tlawh theiha hawn a nih thu a puang. Thawhṭanni tih loh ni dang zawngah hawn a ni ang.

Lalnunzira chuan sahuan tlawh turte chu sorkarin Covid-19 inkaihhruaina a siam te zawm turin a chah a, "Sahuan tlawh turte'n hmai tuamna (face mask) vuahin kut tihfaina (sanitizer) an pai vek tur a ni a, a huhoa tam tham tak inthuruala kal loh hram tur a ni," a ti a, tlai dar 4 hnu lamah sahuan chhunga awm khawtlai phal a nih loh thu a tarlang.

Sahuana ramsate hnaih chilh leh chhaih nawmnahte, ei tur pek leh sahuan chhunga bengchheng siam te phal loh a ni a; ruihtheih thil, zum leh hriam, puak thei thil leh music box te ken phal a nih loh thu leh bawlhhlawhte a bawmah chauh paih tur a nih thu a tarlang bawk.