Ni thum awh VC training nei ṭan

Serchhip DC Kumar Abhishek kaihhruaiin nimin khan DC conference hall-ah Serchhip district-a village council 54 member-te tan 'Training of Village Council on Formation of Village Disaster Management Committee' leh 'Sensitization Programme on Preparation of Village Disaster Management Plan' buatsaih ṭan a ni a, October 6, Nilaini thleng neih a ni ang.

Training-ah hian Serchhip district-a VC 54-a member pahnih ṭheuhte an tel a, ni thum chhung awh tur ṭraining-ah hian ni tin mi 36 zel an tel dawn a ni.

District organiser Vanlalduhi Ralte chuan role of village councils/ village disaster management committee in disaster management leh village disaster management plan tih thupuite a sawifiah dawn a, quick response team leader Lalṭhakima'n basic search & rescue techniques chungchang leh Serchhip district hospital thawktute'n basic first aid chungchang an zirtir bawk ang.