COVID-19: Mizoram Dinhmun ; Hripui vei 443 hmuh belh a ni
Mizoramah October 3, Pathianni khan Covid-19 vei mi 443 hmuh chhuah a ni. Nimin khan tlai dar 5 thlengin mi 7 an thi a, hripui vei dam tawh mi 538 chhuahtir an ni.
Covid-19 vei October 3-a hmuhte chu TrueNAT hmanga hmuh pariat, RAT hmanga hmuh 428 leh Fluorescent Immunoassay (FIA) hmanga hmuh pasarih an ni a; mipa 205 leh hmeichhia 238 an ni. ZMC- RT-PCR hmangin swab sample endik a ni lo.
Pathianni khan sample 1,529 endik a ni a; TrueNAT hmangin 22 (1.43%), FIA hmangin 94 (6.16%) leh RAT hmangin 1,413 (92.41%) a ni. Hri kai hmuhchhuah te hi symptoms nei 325 leh nei lo 118 an ni.
IDSP record angin, Mizoramah Covid-19 vei 98,175 hmuh chhuah a ni tawh a, mipa 34,007 leh hmeichhia 33,122 an ni. Nimin tlai dar 5 thleng khan mi 83,123 (84.66%) chhuahtir an ni tawh a, mi 326 (0.33%) thi tawhin, enkawl mek mi 14,726 (14.99%) an awm.
Nimin khan tlai dar 5 thlengin hripui laka fihlim tawh mi 538 chhuahtir an ni a; Aizawl district-ah mi 350, Serchhip district-ah 69, Kolasib district-ah 38, Lunglei district-ah 36, Hnahthial district-ah 31, Khawzawl district-ah pasarih, Champhai district-ah paruk leh Saitual district-ah pakhat an chhuak.
October 3, Pathiannia hri kai hmuhchhuahte hi RAT hmanga hmuh 428, TrueNAT hmanga hmuh pariat leh FIA hmanga hmuh pasarih an ni. Kum 2011 chhiarpui aṭanga chhûtin Mizorama Covid-19 vei hmuh tawh 98,175 chu mi 1,000 zelah hripui vei mi 89 an awm ang a ni a; mi 1,00,000 zela Covid-19 vangin mi 29 an thi tawh ang a ni bawk.
