HSLC 2018-ah zirlai 13,563 an pass

4th May, 2018

Mizoram Board School Education (MBSE) chuan nimin khan High School Leaving Certificate (HSLC) Examination 2018 result a tichhuak a, zirlai exam 17,695 zinga 13,563 an pass a, pass percentage chu 76.65% a ni.

Lalremsiama Darchhun s/o Vanlalpeka (Tanhril), St. Paul's HSS leh Royal Philem s/o Philem Opendro Singh (Selesih), Mt. Carmel School-te chu pakhatna an ni.

Kumin HSLC Examination-ah hian exam hmachhawntu zirlai 17,695 awmin, regular student 17,366 leh private-a exam mi 329 an ni a; pass zawng zawng zirlai 13,563 zingah hmeichhia tam zawkin 7,085 an ni a, mi 6,478 chu mipa an ni. Regular-a exam zingah 13,392 (77.12%) pass in, private candidate 329 zinga 171 (51.98%) an pass.

Zirlai pass 13,563 zinga 1,068 chu distinction-ah an pass a; first division-ah zirlai 3,725, second division-ah 5,107 leh third division-ah zirlai 3,663 an pass. Compartmental chance nei zirlai 345 an awm a, zirlai 3,787 an fail a ni.

Compartmental chance neite tan MBSE chuan June 21, 2018-ah Aizawl leh district khawpui tina centre pakhat ṭheuhah exam a buatsaih dawn a, May 18,2018 thleng centre superintendent hnenah exam form thehluh theih a ni ang.

Compartmental exam buatsaihna turte chu Aizawlah Mizo High School, Mamitah Mizo H/S, Kolasib-ah St. John HSS, Champhaiah GM H/S, Serchhip H/S, Lunglei H/S, Lawngtlaiah Region H/S leh Siaha H/S-te a ni.

Regular candidate bikah district hrang hranga zirlai pass percentage chu - Aizawl district-ah 83.03%, Champhai district-ah 77.48%, Kolasib district-ah 68.99%, Lawngtlai district-ah 59.15%, Lunglei district-ah 69.72%, Mamit district-ah 66.44%, Serchhip district-ah 785.42% leh Siaha district-ah 86.26% a ni.

Sorkar sikul aṭanga candidate zingah 72.07% an pass a, deficit school aṭangin candidate zinga 92.55%, aided school aṭangin candidate zinga 73.25%, lumpsum school aṭangin candidate zinga 81.46% leh private school aṭangin candidate zinga 79.91% an pass. HSLC candidate-te pass vekna sikul 105 a awm a, chutih laiih, zirlai fail vekna sikul 15 a awm bawk.

Kumin HSLC-ah hian top 10-ah mi 16 an lang a; a pumpuiah Lalremsiama Darchhun s/o Vanlalpeka, St.Pauls Higher Secondary School leh Royal Philem s/o Philem Opendro Singh, Mount Carmel School-te chuan mark 500-ah 477 hmuin pakhatna an ni. Lalremsiama Darchhun hian subject malah mark hmuh sang ber nihna a nei lo a, Royal Philem erawh chu Social Science-a mark hmu sang ber zingah a tel thung. Mathematics-ah full mark hmu zirlai pahnih an awm a ni.

Kumin HSLC Examination result hi MBSE-in HSLC result a tihchhuah tawhah pass percentage a san ber ṭum nia thu dawn a ni a; tun hnaia HSLC pass percentage-te chu - kum 2018-ah 76.65%, kum 2017-ah 72.17%, kum 2016-ah 71.17%, kum 2015-ah 68.30%, kum 2014-ah 67.51%, kum 2013-ah 58.63%, kum 2012-ah 72.27% a ni.

Rank Hming/Pa Hming Mark School
1. Lalremsiama Darchhun 477 St.Paul's HSS
s/o Vanlalpeka
Royal Philem 477 Mt.Carmel School
s/o Philem Opendro Singh
2. Lalrinnungi 470 St.Paul's HSS
d/o Laltlanmawia
Lalrintluanga 470 Baptist HSS, Serkawn
s/o Lalfakzuala
3. Merilyn VL Hriatpuii 469 St. Joseph HSS, Aizawl
d/o V Boiliana
John Malsawmsanga 469 Don Bosco School, Darlawn
s/o Lalhmangaihthanga
4. Lalthlamuanpuii 468 St.Paul's HSS
d/o Lalrinmawia Sohnel
Swagatalokhi Bhattacharya 468 Secred Heart, Lunglei
d/o Shankar Bhattacharya
5. Nicky Lalnunmawia 467 Mt. Carmel School
s/o K Lalrinpuii
6. Lalmalsawmi 466 St.Paul's HSS
d/o K Kapkunga
7. Rosangzuala Ralte 464 Home Missions School, Azl.
s/o Rohmingthanga
8. Lawmsangzuali 463 St.Paul's HSS
d/o Zoramthara
9. JK Malsawmzeli 460 PES, Khawzawl Vengthar
d/o J Lalrotluanga
10. Lalhriatpuia Sailo 459 Sentea Memorial H/S, Azl.
s/o Lalhmangaiha Sailo
Ruthi Malsawmzuali 459 St. John's HSS, Kolasib
d/o H Pachhunga
Garry Malsawmhlua Rokhum 459 Snow White H/S, Lungdai
s/o A Laldinpuia