Leilet zâwla kudam ṭhiat tura thupekin zawm a hlawh lo

Champhai District Task Force-in Champhai leilet zâwla kudam ṭhiat tura February 19, 2018-a thupek a chhuah tawh chu, he thuziah lai thleng hian zawm a la ni lo.

Champhai District Magistrate chuan February 19, 2018 khan Champhai leilet zâwl kama kudam sa leh leivûng chhêkte chu titawp tur leh ṭhiat vek turin thupek a chhuah a; thupek chhuah hnuah hmalak hmuh tur a awm loh avangin Champhai District Task Force-te chuan Champhai District Magistrate thupek bawhzuiin March 29, 2018 khan a hmunah kalin, kudam satute chu tawpsan vek tura hriattirna hnuhnung an pe a ni.

Champhai aṭanga thu dawn danin, hriattirna hnuhnung pek an nih aṭanga hun tiam chhung, April 2018 a ral hnu, May 2, Nilaini thleng khan Champhai leilet zâwlah dan phal loha kudam sak ṭhiah a la awm lo.