Lirthei tlân dan enchhin dawn

Traffic SP chuan thupek chhuahin, Bawngkawn kawng péngṭhuam zauh chu a enchhin nan lirthei tlân dan tur ruahmanna siam thar a nih thu a tarlang a, "He ruahmanna hi May 5, 2018 aṭanga hman ṭan a ni ang," a ti.

Ruahmanna thar ang chuan, Ramhlun North leh Bawngkawn South aṭanga Bawngkawn tlân chhuahna kawngah lirthei eng chi pawh zing dar 8:30 aṭanga chawhma dar 11:30 inkar leh, tlai dar 4 aṭanga zan dar 7 inkarah Bawngkawn lam pana tlân phal a ni lo.

Enchhinna hian Pathianni a huam dawn lo a, chhiatrupna thil kângmei leh emergency kaihhnawiha duty leh dan leh thupek pawimawh bika duty-te chêt velna pawh a huam dawn lo bawk.

Enchhin a nih chhung hian thurawn leh rawtna neite chuan office hun chhungin Traffic SP pisaah thehluh theih a ni ang.