KHAWTHLIR
YMA seal hmang fimkhur turin ngen
Central YMA chuan thuchhuah siamin, YMA seal hman chungchangah YMA branch hrang hrang hruaitute fimkhur turin an ngen a, YMA hi politics rawngkai lo a nih angin, politics lam hawi thuchhuahahte YMA seal hman loh ni se. YMA huang chhung piah lamah YMA seal hman a ṭul a nih chuan, mimal duh dana kalpui mai loin, hruaitute inràwn khawm a, YMA himna tur ngaihtuah chunga YMA seal hmang ṭhin turin YMA hruaitute kan inngen thar leh a ni," an ti.
Information Commissioner
Mizoram sorkar chuan Mizoram Information Commission-a information commissioner atan Zorammawia, IPS (Rtd.) a ruat. Information commissioner ruat tharleh order hi May 3, 2018 khan tihchhuah a ni.
Thisen pe
Dawrpui Branch KṬP chuan an Kohhran centenary lawm nan nimin khan blood donation camp an huaihawt a, Aizawl Civil Hospital tan mipa 36 leh hmeichhia pariatte'n thisen unit 44 an pe. Champhai Kahrawt Bial KṬP pawhin nimin khan Champhai District Hospital tan thisen unit 41 an pe a, Chawngtlai branch YMA-in unit 12 an pe bawk.
Kawng enfiah
Keifang leh Kawlkulh inkar kawng chhe lutuk hnawh mâm hna PWD leh NIDI-te'n an thawh mek chu an duhkhawp loh avangin nimin khan YMA Saitual group leh Kawlkulh group hruaitute'n a hmunah an enfiah a; kawng thawm ṭhat hna chu ṭha zawka thawh theih dan tur ngaihtuahin, a ṭul anga bawhzui an rêl.
India-ah 6-na
INTACH Mizoram Chapter hotute chuan, kum 2017-18 chhunga India ram pum huapa sikul naupangte inelna, INTACH leh School Education department-in 'Route to routes poster competition for students of classes 6-9' an buatsaihah Mizoram aṭanga tel Harshit Sharma Thakur, Mt. Carmel School-a pawl 6 zirlai chu regional winner a nih thu an sawi. He inelnaah hian naupang 13,500 an tel a ni.