Governor-in HSLC pass-te a lawmpui

Governor Lt.Gen. Nirbhay Sharma chuan thuchah tichhuakin, High School Leaving Certificate (HSLC) Exami­nation 2018-a pass zawng zawng­­te chu hinlung taka a lawmpui thu a tarlang.

Larsap chuan, HSLC pass tharte chu an thawrimna vanga hlawh­­­tlingna nei an nih thu tarlangin, "An nu leh pate leh an zirtitute ṭha­hnemngaihna avangin fak an phû a ni. MBSE hma­lakna pawh a fak­awm hle," a ti a; zirlaite chu an kal zelna turah duhsakna a hlân.

Kum 1978 hnua HSLC-a pass percentage record ṭha ber 76.65% chu chhuanawm a tih thu sawiin Larsap chuan, "Zirlai naupang, la exam leh zel turte tana entawn tur a ni. Tun kum exam-a hlawhtling lote pawh beidawng mai lo a, mahni infuih thar a, rim taka thawk mai ni loin, fing zawka bul ṭan turin ka chah a ni," a ti.