Insumdawn tawnna tur sawipui

Rajya Sabha MP K Vanlalvena chuan October 4, Thawhṭanni khan Ministry of External Affairs joint secretary Smita Pant chu a pisa-ah a kawm a, April, 2021-a Myanmar leh Bangladesh-te nena insumdawn tawnna tur an lo sawidun tawh chungchang a sawipui.

Sorkar thuchhuah tarlan danin MP K Vanlalvena leh Smita Pant-te hian kum 2019-a Ministry of External Affairs in DoNER Ministry-a Zokhawthar - Rihkhawdar inkara lei (friendly bridge) cheng vbc 14 senna tur project proposal an thehluh tawh chu tun thlenga DoNER lamin thu leh hla an la nei lo chu ngaimawh awm an tih thu an sawi.

Mizoram chhim lam kawtchhuah KMMTTP kawngpui laih mekah Myanmar lama harsatna awm mek chu a rang thei ang bera sutkian thuai ṭul an tih thu an sawi bawk.