Covid-19 vanga thi mi 331 an awm tawh

Covid-19 vangin October 4, Thawhṭanni tlai dar 5 aṭanga nimin tlai dar 5 thleng khan Mizoramah mi paruk an thi a, heti hian Mizorama Covid-19 vanga thi chu 331 an ni tawh.

October 4, Thawhṭanni zan dar 6:10 khan Tialhnemi (81), Tlangpui khua, Farkawna raltlan chu Covid-19 vangin Farkawn CCCC-ah thi. September 27 khan hri a kai tih hriatchhuah niin Farkawn CCCC ah hian dahluh nghal a ni.

FL Thanzawna (85), Hunthar chu nimin zing dar 1 khan ZMC-ah a thi. September 21-ah hri a kai tih hriatchhuah niin September 25 khan ZMC-ah admit a ni

Zamsuandala (56), Chaltlang chu nimin zing dar 2 khan ZMC-ah a thi a, natna dang nei sa a ni. September 22 khan hri a kai tih hriatchhuah niin hemi ni vek hian ZMC-ah dahluh nghal a ni.

C Lianthanglura (50), Tlangnuam Vengthar chu nimin zing dar 7:20 khan ZMC-ah a thi a, natna dang nei tel a ni. September 21-ah hri a kai tih hriatchhuah niin October 2 khan ZMC-ah admit a ni.

Ramthuliana (42), Edenthar chu nimin chhun dar 12 khan ZMC-ah a thi. September 23 khan hri a kai tih hriatchhuah niin September 28 khan ZMC-ah dahluh a ni.

Sangṭhuama (75), Ṭhuampui chu nimin tlai dar 3:35 khan ZMC-ah a thi a, natna dang neisa a ni. September 9 khan hri a kai tih hriatchhuah niin September 15 khan ZMC-ah admit a ni.