A nupui bomb nen thihchilh

Lalthianghlimi (61), Lunglei Electric Veng chu nimin chhun dar 12:25 vel khan HPC office bula chawhmeh a zawrhlaiin a pasal Rohmingliana (62) chuan bomb hmangin a hal chilh a, an pahnih hian an thi - an nupa hi an inṭhenlai a ni.

An fanu upa ber, a nu bul chiaha chawhmeh zuarin a sawi danin, chawhmeh an zawrhnaah hian Rohmingliana hi kalin, Lalthianghlimi bulah hian a ṭhu a, an nuin mei a zial sak chu zu chungin 'tunlai chu ka nuamsam lo, ka khua a sik deuh tlat' tih pahin an nu hnungah a bawk a, bomb hi a puak zui nghal a ni.

Lalthianghlimi leh Rohminglianate hi Lunglei Civil Hospital-ah kalpui nghal an ni a, Lalthianghlimi hi chhiatna thlenna hmunah hian a thi nghal nia hriat a ni a, Rohmingliana pawh damdawi-in an thlen hnu rei loteah a thi a ni.