MPF-in ZPM hruaitute an kawm

MPF hruaitute chuan nimin khan ZPM pisa tlawhin, Tuirial bial MLA by-election neih tura inthlanna thianghlim leh felfai a awm theihna atana thawhho dan tur an sawipui.

ZPM working president K Sapdanga chuan MPF duhdan chu an party duhdan a nih thu sawiin, "Inthlanna sum senso a tlem thei ang ber, inthlanna thianghlim leh felfai a awm theihna turin hmalakna thar kan neih zel a ngai a ni,” a ti.

MPF hruaitute chuan, “Political party hrang hrangten kan ram hi in hmangaih hleah kan ngai. Kan ram siam ṭha tur hian sorkar, NGO leh kohhrante kan zavaia kan thawhho a ngai a ni," an ti a, thawhhona thuthlung bawhchhia-a, inpuan mualpho ngai lo leh theihtawp chhuah turin political party-te an ngen thu an sawi.