Kawngpui dan chungchanga PIL-ah Chief Justice ngaichâng

Assam aṭanga Mizorama lut tur lirtheite Lailapur-a dan an nih avangin Mizoram BAR Association (MBA) chuan November 9, Thawhṭanni khan Gauhati High Court (GHC)-ah public interest litigation (PIL) an thehlut tawh a, PIL chungchangah hian High Court Chief Justice thu ngaihchàn mek a ni.

MBA hian PIL chu Gauhati High Court, Aizawl Bench-ah an thehlut a; Assam sorkarin Mizoramah ukil an neih loh avangin GHC Aizawl Bench-a judge Justice Michael Zothankhuma leh Justice Nelson Sailo te chuan Chief Justice hnenah PIL chu Principal Bench-a ngaihtuah tur a nih leh nih loh an zâwt.

Nimina Vanglaini pa­laiin MBA secretary R Lal­hmingmawia a biak lai chuan MBA hian GHC Chief Justice aṭangin an PIL chungchangah thu dawn an la nei lo.

MBA-te hian Union Home Secretary hnenah, Lailapur-ah kawngpui dan a nih avanga Mizoramin harsatna a tawhte an thlen tawh a, chumi hnuah High Court-ah hian PIL an thehlut leh a ni.