Social media-a thu awih suh u - MBSE

Mizoram Board of School Education (MBSE) chuan thuchhuah siamin, HSLC leh HSSLC exam result tihchhuah hun tur chungchangah tun hnaiah mi ṭhenkhatin social media-ah thu dik lo vawrh darha mipui tichî-âi an awm chu pawi an tih thu an tarlang a; social media-a thu vawrh darh awih mai lo turin mipui an chah.

MBSE chuan, HSLC leh HSSLC result chhuah hun tur chungchanga socialmedia-a thu dik lo thehdarh ṭhinte'n mipui an tibuai hle tih sawiin, tun hnuah chuan mipui tichi-ai thei thu dik lo social media-a vawrh darh awm tawh lo se a duh thu an tarlang a; result tihchhuah a nih dawn chuan All India Radio, Doordarshan, cable TV leh chanchinbuahte mipuite hriattirna an pe ṭhin tih sawiin, chu'ngte hmanga thu thehdarh ni lo, hmanraw dang hmanga thu thehdarh chu awih lo turin mipui an chah.