High Court-in PIL a pawm

Youth Action for Sihphir Town Develop­ment (YASTD)-in Sihphir khaw chhung kawng chhe lutuk, kum eng emaw zat enkawl loha a awm chungchanga Gauhati High Court, Aizawl Bench-a public interest litigation (PIL) an thehluh chu Gauhati High Court chuan thu tlingah ngaiin a pawm a, a ngaihtuah ṭan nia thu dawn a ni.

Gauhati High Court hian kawng enkawltu, BRTF chu kawng din­hmun leh hmalak mekna High Court-a thehlut turin a hriattir a; chu chu chawlhkar nga hnuah High Court chuan a ngaihtuah leh ang. YASTD hian an president H Zorempuia hmingin PIL an thehlut a, an aiawhin ukil C Lal­fakzuala a ding a ni.