ZPM chief ministerial candidate thláwp

Zoram Peoples Move­ment (ZPM) Ser­chhip Stee­ring Committee leh Thenzawl Steering Co­mmittee-te May 5, Inrin­nia Serchhipa ṭhukhawm chuan resolution pass in, ZPM General Head­quarters Steering Committee-in kumin Assem­bly inthlanpui awm tura chief ministerial candidate puan a tum chu lawmawm an tih thu leh an thlâwp thu an tarlang.

Serchhip leh Then­zawl ZPM-te chuan, ZPM chief ministerial candidate hoa Zoram siamṭhat hna thawh hlân nghahhlelhawm an tih thu an sawi a, "Serchhip constituency-ah ZPM-in hnehna a chan ngei theih nan theihtawp chhuahin hma kan la zel dawn a, Serchhip bial mipuite thlawpna leh ṭawiawmna kan ngen tak meuh a ni," an ti.

Inrinnia ZPM Stee­ring Committee pahnih­te meeting hi Serchhip ZPM Steering Committee chairman V Rozamliana’n a kaihruai a; general secretary Kapliana Pa­chuau chuan Ser­chhip khawpui chhunga V/C 10 zinga pariatah ZPM local body din a nih tawh thu leh, V/C dang pahnihah pawh din tum mek a nih thu a tarlang.