Saiphai 33KV power sub-station hawng

Power & Electricity (P&E) department-in Saiphai khuaa 33KV power sub-station an bun thar chu May 5, Inrinni khan P&E minister R Lalzirliana'n a hawng.

Minister R Lalzirliana chuan, ram hmasawnna kalpui nan remna leh muanna a awm hmasak a ṭul thu a sawi a; P&E department hmalakna hrang hrangte a sawi bakah, power sub-station thar chu uluk taka enkawl turin Saiphai khaw mipuite a chah.

Saiphai 33kV sub-sta­tion hawnna inkhawm hi P&E secretary H Lal­eng­mawia'n a kai­hruai a; bialtu MLA K Lalrin­thanga, MLA dang pahnih R Vanlalvena leh PC Zoram Sangliana te pawhin thu an sawi.

Saiphai 33kV sub-station hi Saiphai, Saipum leh Chawnpui khuate châwm tura ruahman a ni a; a siam nan cheng nuai 623.93 hman niin, North Eastern Council-in 90% leh Mizoram sorkarin 10% an tum.

February 26, 2014-ah siam ṭan a ni a, March 31, 2018-ah siam zawh a ni.