CYMA-in Mizoram chhim thlang lama Mizote him theih nana hmalak an rél
YMA Central Executive Committee (CEC) member-te May 4, 2-18-a ṭhukhawm chuan, Chawngte, Tlabung leh a chhehvelah Mizote an him zawk theih nan Central YMA anga a ṭul anga hmalak zel an rel a, "YMA tihchak zel a nih theih nan helai hmun hi tlawh ṭhin a, hruaitu leh member-te infuih thar zel tum a ni," an ti.
YMA CEC ṭhukhawm chuan, hâlpuah leh hâlmawi khap chu boruak thianghlim nan thil ṭul tak a nih avangin, kum 2018-ah pawh hâlpuah leh hâlmawite khauh zawka khap a nih theih nan hmalak an rêl a; kumina YMA Day chu ram pumah infuih tharna leh ṭan lak nan hman ni se, an ti.
Central YMA chuan, YMA Day chu mahni branch ṭheuhah hmang turin YMA branch tinte a beisei a; YMA Day chu a nihna ang taka hman a nih theih nan pawl dang hrang hrang leh kohhran ṭhalaite chu YMA Day remchanga hmanga programme hran duang lo turin an ngen lâwk.
Kumina YMA Day pualin Mizoram páwna Mizo welfare 14 leh Ṭawngṭai Bethel Camping Centre hnenah ṭanpuina Rs. 1,90,000 pek an rêl bawk.
YMA ṭanpuina a pek dan tur
1. Guwahati Rs. 10,000
2. Calculta Rs. 10,000
3. Mumbai Rs. 10,000
4. Delhi Rs. 10,000
5. Chennai Rs. 10,000
6. Bangalore Rs. 10,000
7. Vellore Rs. 10,000
8. Hyderabad Rs. 10,000
9. Pune Rs. 10,000
10. Silchar Rs. 10,000
11. Shillong Rs. 10,000
12. Jaipur Rs. 10,000
13. Goa Rs. 10,000
14. North Bengal Rs. 10,000
15. Ṭawngṭai BCC Rs. 50,000
TOTAL Rs. 1,90,000