KHAWTHLIR

Lectern pe
Mizoram Mistiri Association (MMA) chuan Aizawl Press Club-a hman turin nimin khan Mizoram Journalist Association (MJA) general headquarters hnenah lectern an pe. Lectern hi MMA president Vanlalhriata'n MJA president Zonunsanga Khiangte hnenah a hlan a ni.

Thubuai lut zat
Champhai Police Station-ah April 2018 chhung khan thubuai 19 ziah luh a ni. Champhai Police-in an thubuai ziah luhte chu - rukruk thubuai pariat, NDPS Act hnuaiah thubuai pasarih, POCSO Act hnuaiah thubuai pathum leh Foreigner Act hnuaiah thubuai pakhat a ni.

Thisen pe
Ramthar North Branch KṬP chuan an branch din champha vawi 19-na lawm nan nimin khan an Kohhran Hall-ah blood donation camp an huaihawt a, an member mipa 31 leh hmeichhia palite'n Aizawl Civil Hospital tan thisen unit 35 an pe.

Hri danna pe chhunzawm
Serchhip District Task Force Committee on Immunization in a rel tawh angin, Measles-Rubella (MR) Vaccine pek beihpuithlak hna Serchhip district-ah ngawrh taka neih chhunzawm zel a ni a, tunlai hian Anganwadi Centre leh Health Sub-Centre hrang hrangah naupangte hri danna pek mek an ni.

MCU-in thlawp
Mizoram Consumers' Union (MCU) chuan thuchhuah siamin, maxi cab chuan man san a nih avangin Zokhawthar mipuite'n lungawi lohna an lantir chu âwm an tiin, an thlawp thu an tarlang a, "Sumdawnna lirthei neitu leh khalhtute chu State Transport Authority (STA) in rate a siam baka chuan man tisang ṭhin lo turin kan ngen tak meuh meuh. Hetianga dik lo taka sorkarin a bituk aia toa service ṭhinte chungah hian sorkar hian action-na tak la ṭhin se kan duh tak zet," an ti.