PCI General Assembly vawi 43-na a ṭiak

India rama Presbyterian Kohhran rorelna sáng ber, Presbyterian Church of India (PCI) Biennial General Assembly vawi 43-na chu May 2-6, 2018 chhung khan FiangpuiPresbyterian Church, Halflong (Biateram Synod)-a neih a ni a, Mizoram Synod aṭangin palai 600 vel an kal.

PCI General Assembly-ah hian Mizoram Synod aṭangin palai - minister/pastor 309, pro. pastor 47, kohhran upa/kohhran hmeichhia/KṬP aiawhte mi 221 leh Mizoram Synod Choir-te kal tura tih an ni a; inkhawmpui thupui chu 'Light of Life' (Nunna êng) tih a ni. India rama Synod hrang hrang aṭangin palai 1,300 an tel.

PCI General Assembly moderator chu Rev. Lalramliana Pachuau (Mizoram Synod) a ni a, a kaihhruaiin rorel inkhawm neih a nih bakah, Pathianni zing inkhawmah Lalpa Zanriah Sakramen a ṭheh.

Puipate dangte chu - secretary (senior) Rev. BB Lamin (KJP Synod Mihngi), secretary (junior) Rev. HL Marsing (Ri Bhoi Synod). treasurer Rev. HN Wallang (KJP Synod Mihngi), statistician Rev. Lalsangloma (Biateram Synod), administrative secretary - Rev. VL Luaia Hranleh (Mizoram Synod), Rev. GS Lyttan (KJP Synod Sepngi) leh Rev. Rolianthanga Lalsim (Biateram Synod)-te an ni.