Lunglei DC-in Ṭawipui 'S' JAC-te a kawm

Ṭawipui South JAC-te'n sorkar an thil phutte tihhlawhtlin phutna atana vawiin aṭanga total bandh huaihawt an tum chungchangah Lunglei DC Dr. Ankita Charavarty chuan nimin khan a pisa-ah Ṭawipui S JAC hruaitute a kawm.

Dr Ankita Chakravarty chuan Ṭawipui 'S' khawtlang mamawh leh harsatna te sawrkarin a hriat sak a, "Keimah ngeiin Education department hotute leh sorkar hotu dangte ka sawipui tawh. Ṭawipui 'S' High School-a headmaster dah turin sorkarin theihtawpin hma a la mek a ni," a ti.

Lunglei DC chuan total bandh huaihawt anih chuan Lunglei district mai bakah Lawng­tlai district leh Siaha district mipuiten harsatna tam tak an tawk dawn tih sawiin, Ṭawipui 'S' JAC te chu total bandh huaihawt an tum chu ṭhulh turin a ngen.

Tawipui 'S' JAC-te chu hmalak zel dan tur sawi­ho turin nizan khan an ṭhukhawm a, total bandh hi kalpui anih chuan vawiin zing dar 5 aṭanga chhiar­in darkar 48 hun chhung a awh ang.