Chalrosanga'n campaign office a hawng

Nimin khan Tuirial bial MLA by-election lo awm tura Congress party candidate Chalrosanga chuan Bukpui khua-ah campaign office a hawng a, an party-ah mithar a lawmlut nghal.

Chalrosanga chuan politics chu eizawnna atana hman tuma luhchilh a nih loh thu sawiin, "Mipui rawngbawl turin politics ka khel a, vote duh vanga inbumna leh therhlo nen ka rawn pen chhuak lo. Politics ka luhchih dawna ka rilru a lian ber leh ka tum ber chu, retheite an retheihna aṭanga kawng eng emaw tala dawm kan leh Zoramin hma a sawnna atana ka theihna zawng zawng hman a ni," a ti.

Politics chu tu pawh lenna, inthliar bikna awm lohna a nih thu sawiin, "Tute pawh rawn zuang lut se, thianghlim taka khelh theih a ni. Tuirial bial mipuite chu rinawmna leh dikna nen politics ka rawn khelhpui dawn che u," a ti a, Tuirial bial atana hnathawk tura pen chhuak a nih thu a sawi.

MPCC thuchhuah tarlan danin, Chalrosanga hian MNF, ZPM leh BJP aṭangin mi 58 an party-ah a lawm lut.