NE state pasariha hri vei hmuhchhuah aiin Mizorama hri vei hmuhchhuah a tam zawk

October 5, Thawhlehni khan hmarchhak state zingah Mizorama hri vei hmuh chhuah a tam ber a, hmarchhak state dang - Assam, Manipur, Meghalaya, Arunachal Pradesh, Sikkim, Nagaland leh Tripura-a hri vei hmuh chhuah thar belhkhawm aiin Mizorama hri vei hmuh chhuah thar chu 758 in a tam zawk.

Thawhlehni khan hmarchhak state pariatah hri vei 2,184 hmuh chhuah a ni a, heng zinga a zat ve aia tam 67.35% (1,471) chu Mizorama hmuhchhuah a ni.

Mizoram chu India rama hri vei hmuh chhuah aṭanga enkawl lai tamna ber state a ni chhunzawm zel a, nimin zinga sorkar laipui report angin Mizoramah hri vei hmuh chhuah tawh aṭanga 15.80% chu enkawl mek an ni. Mizoram hnaih ber tu chu Kerala state a ni a, hri vei hmuh chhuah tawh aṭangin enkawl lai 2.64% chauh an nei mek.

Hri vei hmuh chuah tawh aṭanga thihpui percentage-ah chuan Mizoram chu India rama a hniam ber dawttu a ni thung a, hri vei hmuh chhuah tawh zawng zawng 1,01,327 aṭanga 335 (0.33%) an thi tawh a ni.