SAGY model village hawng

Rajya Sabha MP K Vanlalvena'n SAGY model village atana a thlan N Mualcheng community hall-ah Thawhlehni khan SAGY model village hawnna leh SAGY chungchang inzirtirna campaign buatsaih a ni a, Serchhip DC Kumar Abhishek in a hawng.

Kumar Abhishek chuan Rajya Sabha MP K Vanlalvena'n SAGY model village atana N Mualcheng khua a thlang chu lawmawm a tih thu a sawi a,"Model Village hmalakna hrang hrangte a hlawhtlin theih nan a bulṭhut zirchianna rintlak (baseline survey), zirchianna dika innghat village development plan ṭha leh chung plan te a hlawhtlin ngei theih nana hnathawh zui a pawimawh," a ti a, line department-te chu theihtawp chhuaha bawhzui turin a chah nghal.

He huna tarlan danin N Mualcheng khuaah hian chhungkua 305 leh mihring 1,686 an awm mek a ni.