COVID-19: Mizoram dinhmun ; Hri vei hmuh chhuahin nuai 1 a pel

October 5, Thawhlehni khan Mizoramah Covid-19 vei mi 1,471 hmuh chhuah a ni a, Mizorama hri vei hmuh chhuah tawh zawng zawng chu 1,01,327 niin, Mizorama hri vei hmuh chhuah in nuai khat a pel.

Nimin khan tlai dar 5 thlengin hripui vangin mi pali an thi a, hripui vei dam tawh mi 938 chhuahtir an ni thung. Covid-19 vei hmuh thar te chu mipa 648 leh hmeichhia 823, an vaiin mi 1,471 an ni a, an zinga mi 661 (44.93%) in symptoms an nei.

Thawhlehni khan Mizo­ramah sample 9,577 endik a ni a, hri vei hmuh chhuah tharte hi ZMC laboratory-a hmuh 371, TrueNAT hmanga hmuh 100, RAT hmanga hmuh 959 leh Fluorescent Immunoassay (FIA) hmanga hmuh 41 an ni.

IDSP record angin, Mizoramah Covid-19 vei 1,01,327 hmuh chhuah a ni tawh a, mipa 49,846 leh hmeichhia 51,481 an ni. Nimin tlai dar 5 thleng khan mi 85,925 (84.79%) chhuahtir an ni tawh a, mi 336 (0.33%) thi tawhin, enkawl mek mi 15,066 (14.86%) an awm.

Nimin zinga sorkar laipui report-in a tarlan danin Mizoram chu India ram state/UT hrang hrang zinga hri vei nuai khat hmuh tlin tawhnaah 26-na a ni a, hri vei nuai khat tlin lohna state/UT 10 ala awm. Hmarchhak state pariat zingah Assam (6,03,623), Manipur (1,21,303) leh Mizoram (1,01,327)-ah chiah hri vei zatin nuai khat a pel a ni.

Nimin khan tlai dar 5 thlengin Mizoramah hripui vei dam tawh mi 938 chhuahtir an ni a; Aizawl district-ah mi 762, Kolasib district-ah 31, Champhai district-ah 11, Lunglei district-ah 19, Lawngtlai distirct-ah mi 52, Mamit district-ah mi 11, Khawzawl district-ah mi 23 leh Hnahthial district-ah mi 29 an chhuak.

Mizorama Covid-19 hri vei hmuh chhuah tawh zawng zanwg 1,01,327 chu kum 2011 chhiarpui aṭanga chhûtin mi 1,000 zelah hripui vei mi 92 an awm ang a ni a; mi 1,00,000 zela Covid-19 vangin mi 30 an thi tawh ang a ni bawk.