Ruihhlo zir chianna CM hrilh
Mizoram Legislative Assembly hnuaia committee pêng pakhat, Subject Committee-I chuan nimin khan Cabinet Room-ah chief minister Lal Thanhawla an kâwm a; Mizorama ruihhlo tawlh leh hman chungchang an zirchianna kal meka an thil hmuh leh an hmalak tawhnate an hrilh.
Subject Committee-I hi April 23-30, 2018 chhung khan Thailand-ah zinin, Thailand sorkara Narcotics Control Division hotute nen an inkâwm a; Thailand sorkarin ruihhlo hrang hrang khuahkhirhna dan an lekkawh dan an zirchiang a ni.
Chief Minister hmuhnaah Subject Committee-I te hi chairman PC Zoram Sangliana'n a ho a, member dang pali - Nihar Kanti Chakma, John Siamkunga, Lt.Col. ZS Zuala leh T Sangkunga te an tel.