Motor chesualah pakhat thi
Nimin zing dar 6:30 vel khan Vanzau khaw daiah maxicab pakhat chesualin kawng thlangah metre 100 vel a lum a, chetsualna hmunah Zaliankimi (64), Dungtlang a thih bakah, mi 10 an hliam.
Thu dawn danin, maxicab hi Aizawl aṭanga Zawngtetui pana tlân niin, mi 11 an chuang a, puitling pasarih leh naupang pali an ni a, a khalhtu chu VL Zarzoliana (32), Damveng, Aizawl a ni.
Hliam zinga pali chu Khawbung damdawi-inah lak an ni a, mi dang parukte erawh chu an hliam a nat vak loh avangin damdawi-ina lak an nih hnuah chhuahtir leh nghal an ni.