CM Rural Housing Scheme hawng

Chief Minister Rural Housing Scheme chu nimin khan Mamit Chhimveng YMA Hall-ah bialtu MLA John Rotluangliana'n a tlangzarh a, ṭanpui­na dawng tur mi 22 hnen­ah first instalment Rs. 15,000 a hlan nghal.

John Rotluangliana chuan, mi harsa zawkte khaichhuahna tura Mizoram sorkarin scheme a siam chu a lawmawm a tih thu sawiin, "Tunlaiah unau piang hmunte pawh in hrang chang kan nih tawh chuan sum leh paia inṭanpui a har a, sorkar kaltlanga ṭanpuina dawngtute hian lawm nachang kan hriat a pawimawh," a ti.

CM Rural Housing Scheme hi Mizoram sor­kar duan a ni a, Mamit district-ah chuan scheme hnuaiah hian mi 300 ṭanpui tum a ni. Chhungkaw pakhat tan Rs. 50,000 zel pek tur a ni a, instalment pathuma pek a ni ang.