Pûka ruhro zir chiana humhalh dan tur sawiho

INTACH, Mizoram Chapter leh Anthropological Survey of India (AnSI) hotute chu May 5, 2018 khan INTACH Mizoram convener P Rohmingthanga inah an inkâwm a; Mizorama pûk hrang hranga ruhro awmte humhalh dan tur an sawiho.

Inkawmho chungchanga INTACH hotute tarlan danin, Mizorama pûk hrang hranga ruhro awmte zir chiang turin INTACH-in AnSI an sáwm tawh ṭhin a, chu an sawmna ang chuan AnSI hotute chu a bul ṭan nan pûka ruhro awmte chanchin hre hmasa turin Mizoramah an lo kal a ni.

INTACH hotute chuan, pûk hrang hrangah ruhro hmuh a ni a, mahse, ram­hnuaia awm a nih hlawm avangin venhim theih tak tak a ni lo a, a tam berte chu a bo tawh avangin a awmchhunte pawh an bo leh chhiat hmaa zirchian ṭul an tih thu an sawi a; AnSI hotute chu Mizote'n mitthi an sawngbawl dante an lo hrilh.

AnSI hotute chuan, Kolkata-a an head office-a an hotute nen an sawiho hnuah, an scientist-te'n Mizorama pûkte leh a chhunga ruhrote chu a sample la in, laboratory-a zirchian tura an la rawn lak tur thu an sawi.