Gas bûk chhung an nghâk peih lo - FCSCA Minister

Food, Civil Supplies & Consumer Affairs (FCSCA) minister John Rotluangliana chuan, gas bûk tling lo laka fihlimna atan gas bûk hnu chauha lak tura ruahmanna siam ni mah se, mipuiin gas bûk hun chhung an nghah peih chuan loh thu a sawi.

Nimina Inspector of Legal Metrology (Wor­king Standard Labo­ratory) office thar, Mamit Hmarvenga a hawnnaah John Rotluangliana chuan, Mizote chu phun­chiar ve ṭhin tak an nih thu a sawi a, "Gas bûk tling lo laka kan fihlim theih nan bûk zawha lak zel tura hmalak a ni a, an nghak peih leh chuang lo a, buk loa lak mai duh tam tak an awm leh tho a ni," a ti.

FCSCA Minister chuan, Legal Metrology department chu mipuite hmelhriat hlawh vak an ni lo tih sawiin, "Amah­erawhchu, an hnathawh ber hi mipuite'n kan dikna chanvo kan chan a, mipuite chhan a ni," a ti a; mipuiin an chanvo dik tak an chan theihna turin mipui, tlawmngai pawl leh khawtlang hruaitute thawhpuiah a sáwm.