In tinin gas connection An neih dan tur sawiho

Nimin khan Kolasib DC Dr Arun T hoin DC conference hall-ah Kolasib district chhunga chhungkaw tinin gas connection an neih theih dan tur ngaihtuahin official-te an ṭhukhawm.

Meeting-ah hian PMUY scheme hnuaiah BPL leh AAY-te bakah, SC/ST-te tan chauh gas connection pek chhuah phal a nih thu tarlan a ni a; chumi zûlzui chuan hmalakna hmasa atan BPL leh AAY gas connection la nei lote chu buaipui phawt ni se, an ti. BPL leh AAY list-a tel lote chu la buaipui leh tura dah a ni.

PMUY scheme-in a huam leh phal chin, a thil phût leh scheme kalphung tlangpuite chu zau zawk leh fiah zawka hriat a nih theih nan gas agency-te'n V/C member-te hnenah ziakin pe se, an ti bawk.