Hmalak dan tur sawiho
State Swachh Bharat Mission (Gramin) Commitee chu nimin khan PHE minister Zodintluanga hoin a pisaah an ṭhukhawm a; Swachh Bharat Mission (Gramin) hnuaia hmalakna kal mekte leh hmalak chhunzawm dan turte an sawiho.
Meeting-ah hian kum 2018-19 chhunga Mizoram khaw 314-a Solid & Liquid Waste Management kalpui dan tur te, district leh state level-a bawlhhlawh ṭawih thei lo sawng-bawl leh sarâng leh plastic hman nawn a nih theih nana ruahmanna te, sorkar laipui bio-gas programme Gobar-Dhan kalpuinaah bawlhhlawh ṭawih thei leh ei tur báng ningnawite bio-gas atan hman theih dan tura ruahmannate sawiho a ni.