Green Mizoram Network-in thing phun enkawl turin chah

Vawiin hi Green Mizoram Day vawi 22-na a ni a, he ni pual hian Green Mizoram Network (GMN) chuan thuchhuah siamin, thing phun tawh sate enkawl zui turin mipui an chah.

GMN chuan, "Covid-19 hri léng vanga mipui náwlpui huapa Green Mizoram Day hman theih a nih dawn loh avangin, kan thing phun tawhte humhalh leh enkawl zui kawng­ah ṭan la thar ṭheuh turin mi tin kan ngen a ni," an ti.

GMN tarlan danin, Green Mizoram Day hi kum 1998-ah hman ṭan a ni a; Mizoram PCCF Report 2019-a a lan dan chuan, kum 1999 aṭanga 2018 thleng khan Mizoramah thing ṭiak 38,46,043 phun a ni tawh a, kum 2019 khan thing ṭiak 4,107 phun leh a ni bawk.