Dr Mathlana'n quarantine centre tlawh

Aizawl North-II bial­tu MLA Dr Vanlalthlana chuan nimin khan a bial chhunga veng hrang hranga quarantine centre-te a tlawh kual a, local task force hruai­tute a kawm bakah, PPE eng emaw zat a sem.

Dr Vanlalthlana chuan, local task force-te inpekna leh ṭhahnemngaihna fakawm a tih thu a sawi a; quarantine centre-a awmte chu Covid-19 laka an himna tura duhsakna hlanin, thuawih taka dan siamte zâwm turin a chah. Hripui donaa mi inpe tak tak an awm zel chu lawmawm a tih thu leh mi dang tana an inpekna chu Pathianin malsawmnaa a vûr lêt a rin thu a sawi bawk.