Nurse lak danah insawifiah turin ZMC Director hriattir

Health & Family Welfare dept. chuan, tun hnaia Zoram Medical College-a contract-a thawk tur staff nurse 50 lak an nih danah insawifiah turin ZMC Director a hriattir.

Sorkar thuchhuah tarlan danin, staff nurse 50 lak zingah personal interview hmachhawn lo leh nursing registration neih ngai nei si lote lak tel ni anga social media a thuthang a awm avangin Health & Family Welfare dept. chuan ZMC Director chu insawifiah turin a ti. Insawifiahna hi a rang thei ang bera Health Secretary hnena thehlut tura tih a ni.

Tarlan tawh angin staff nurse laknaah hian sorkarin an intiam anga duhsak an hlawh loh avangin volunteer nurse-te chu an lungawi loa, October 14 hma-a nurse lakna result hi sut turin Chief Minister an ngen a ni.

Volunteer nurse-te sawi danin, nurse lak zingah hian interview lo, nur-sing registration nei lo leh computer certifcate nei lote pawh an tel.