Covid-19 vangin mi 342 thi tawh

Covid-19 vangin October 6 tlai dar 5 aṭanga nimin tlai dar 5 chhung khan mi panga an thi a, Mizorama hri vanga thi chu mi 341 an ni tawh. October 6, Nilaini tlai dar 5 thlenga Covid-19 vanga thi nimina tarlan zinga tel ve hman lo pakhat a awm.

Myanmar raltlan H Liandailova (75), tuna Lunglei Electric Venga khawsa chu October 6 chawhma dar 11 khan Christian Hospital, Serkawnah a thi. Inentir tura an kalnaah hri a kai tih hriat chhuah niin hemi ni vek hian a thi zui nghal a ni.

T Hnemi (95), Chaltlang chu Nilaini zan dar 7:15 khan ZMC-ah a thi a, natna dang nei tel a ni. October 1 khan hri a kai tih hriatchhuah niin October 2-ah ZMC-ah dahluh nghal a ni.

H Germanthanga, Bethlehem Vengthlang chu Nilaini zan dar 8:30 khan ZMC-ah a thi a, natna dang nei sa a ni. September 28 khan hri a kai tih hriat chhuah niin October 5 khan ZMC-ah dah luh a ni.

Lalthanmawii (61), Chawlhhmun chu Nilaini zan dar 10:10 khan ZMC-ah a thi a, natnaa dang nei tel a ni. August 25 khan hri a kai tih hriat chhuah niin September 2 khan ZMC-ah admit a ni.

R Vanbuka (71), Thenzawl chu Nilaini zan dar 10:20 khan Serchhip DCHC-ah a thi a, September 20 khan hri a kai tih hriat chhuah niin October 6 khan ZMC-ah dahluh a ni.

G Thuami (76), Sihphir Venghlun chu nimin chawhnu dar 1:45 khan ZMC-ah a thi a, natna dang nei tel a ni. September 22 khan hri a kai tih hriat chhuah niin hemi ni vek hian ZMC-ah dah luh a ni.