Chhiatrupnaa chetlak dan zir

Khawzawl District Disaster Management Authority (DDMA) leh State Disaster Response Force, 2nd IR Battalion-te chuan, nimin khan Khawzawla Zuchhip Branch YMA Hall-ah chhiatrupna a lo thlen thulha che chhuak hmasa ber DMR first responder-te tan training an buatsaih a, bawrhsap CC Lalchhuangkima'n a hmanpui.

CC Lalchhuangkima chuan chhiatrupna a lo thlen changa che chhuak hmasa ber, a bikin YMA, 2nd IR Bn leh Quick Response Team (QRT)-te hmalakna leh hnathawh tawh chu lawmawm a tih thu a sawi a,"Chhiatrupna a lo thlen changa pawimawh hmasa ber zinga DMR bungrua duh ang hman tur awm ṭhin lo pawh ngaihtuah belh mek zel a ni," a ti a; YMA chu chhiatrupna a thlen changa tlawmngaia che chhuak hmasa an nih ṭhin avangin training-ah pawh ngaihpawimawh an nih thu a sawi.

Training-ah hian SDRF member naik PC Lalhmangaihzuala leh constable Michael Laltlanzauva-te chuan kalkhawmte chu damlo leh hliam tuar bawihsawm dan leh hmun hima lak sawn dante, DMR hmanraw pawimawh leh hman tlanglawn deuhte hman dan an zirtir a, zawhna leh chhanna hun hman a ni bawk.

He hunah hian Khawzawl district QRT, Sub-Headquarters YMA a DMR sub-committee member-te leh DC pisaa staff ṭhenkhatte an tel.