COVID-19: Mizoram dinhmun ; Hri vei 1,302 hmuh belh

October 6, Nilaini khan Mizoramah Covid-19 vei mi 1,302 hmuh chhuah a ni a, nimin khan tlai dar 5 thleng khan hripui vei dam tawh mi 508 chhuahtir an ni.

Covid-19 vei hmuh tharte chu mipa 618 leh hmeichhia 684, an vaiin mi 1,302 an ni a, an zinga mi 614 (47.15%) in symptoms an nei.

October 6, Nilaini khan Mizoramah sample 9,749 endik a ni a, hri vei hmuh chhuah tharte hi ZMC laboratory-a hmuh 362, TrueNAT hmanga hmuh 70, RAT hmanga hmuh 842 leh Fluorescent Immunoassay (FIA) hmanga hmuh 28 an ni.

IDSP record angin, Mizoramah Covid-19 vei 1,02,629 hmuh chhuah a ni tawh a, mipa 50,464 leh hmeichhia 52,165 an ni. Nimin tlai dar 5 thleng khan mi 86,721 (84.49%) chhuahtir an ni tawh a, mi 342 (0.33%) thi tawhin, enkawl mek mi 15,566 (15.16%) an awm.

Nimin zinga sorkar laipui report-in a tarlan danin Mizoram chu India ram state/UT hrang hrang zinga hri vei hmuh chhuah tam lamah pali-na a ni a, hmarchhak state pariat zingah hmuh tam berna a ni leh bawk.
Hmarchhak state pariatah Nilaini khan hri vei 1,936 hmuh chhuah a ni a, heng zinga 1,302 (67.25%) chu Mizorama hmuh chhuah a ni. India ram pumah Mizoram aia hri vei hmuh chhuah tamna state pathum - Kerala (12,616), Maharashtra (2,876) leh Tamil Nadu (1,432) te chiah an awm.

Nimin khan tlai dar 5 thlengin Mizoramah hripui vei dam tawh mi 508 chhuahtir an ni a; Aizawl district-ah mi 144, Kolasib district-ah mi 111, Champhai district-ah mi 53, Serchhip district-ah mi 51, Mamit district-ah mi 44, Lunglei district-ah mi 43, Hnahthial district-ah mi 34, Lawngtlai district-ah mi 19, Khawzawl district-ah mi pariat leh Saitual district-ah mi pakhat an chhuak.

Mizorama Covid-19 hri vei hmuh chhuah tawh zawng zawng 1,02,629 chu kum 2011 chhiarpui aṭanga chhûtin mi 1,000 zelah hripui vei mi 93 an awm ang a ni a; mi 1,00,000 zela Covid-19 vangin mi 31 an thi tawh ang a ni bawk.