Chhawmdawlna Rs. 8,67,625 pek remti

Fairelbel Utilization Committee chu an chairman Dr Lalhriatzuali Ralte, Aizawl DC hoin DC conference hall-ah October 6, Nilaini khan an ṭhu a, Fairelbel Charity Fund sem thawhhnihna atan Rs. 8,67,625 pek chhuah an remti.

Ṭhukhawm chuan pawl leh sorkar department kaltlanga rawtna lutte an thlirho a - YMA kaltlangin AMC-a Covid-19 avanga harsatna leh ei leh bar zawn kawnga mi harsa 46 hnenah Rs. 3,80,000; Social Welfare department kaltlangin pian phunga rualbanlo mi pathum hnenah Rs. 30,000; ZMC-a mi harsa, inenkawlna senso bill pe thei lo rulhsak nan Rs. 2,37,625; Fairelbel Organizing Committee-in mi harsa zual mi pahnih hnenah Rs. 20,000 hlan an rawtna leh ZMC Poor Fund atana Rs. 2,00,000 pek rawtnate an pawm.