Chief Minister-in Chite Venga Sorkar hmalak tumna a tlawh
Chief minister Zoramthanga chuan nimin zing khan Chite Venga Convention Centre leh Aizawl Haat sak tumna hmun a tlawh.
Zoramthanga chuan Aizawl hmasawnna atana ṭangkai leh rotling tur hmalakna thar a awm chu lawmawm a tih thu a sawi a,"Ram hmasawnna hmu tur chuan vision neih a, ngaihtuah hrawl ngam a, taimakna leh tumruhna nena umzui a pawimawh," a ti.
Sorkar thuchhuah tarlan danin, Convention Centre hi Ministry of Tourism hnuaia Assistance for Tourism Infrastructure Development scheme aṭanga cheng nuai 4,000 chuang senga sak tur a ni. First installment pek chhuah tawh niin WAPCOS Ltd. chu implementing agency a ni.
Aizawl Haat hi Pilgrimage Rejuvenation and Spiritual, Heritage Augmentation Drive (PRASHAD) hnuaia project pali thehluh zinga mi pakhat a ni a, bazar hmunpui tur niin thil eina, chawlh hahdamna hmun leh facility hrang hrang awm tura ruahman a ni.
CM hi Tourism minister Robert Romawia Royte, Aizawl mayor Lalrinenga Sailo, chief secretary Lalnunmawia Chuaungo, additional chief secretary JC Ramthanga, Tourism secretary K Lalrinzuali leh Horticulture director Dr Elizabeth Saiparite'n an ṭawiawm.