Tuirial bial MLA by-election Chuh tum mi pali an awm
October 30, 2021 a Tuirial bial MLA by-election neih tur atana chuh tumte tana hming pekluh hun chu nimin khan a tawp a, mi paliin Returning Officer hnenah hming an pe lut.
ZPM candidate Laltlanmawia chuan Nilaini khan hming pe lutin, INC candidate Chalrosanga Ralte, MNF candidate K Laldawngliana leh BJP candidate K Laldintharate chuan nimin khan hming an pe lut thung.
Tuirial bial MLA by-election atana hming pek luhte chu October 11-ah enfiah a ni dawn a, inhnukdawk duh tan October 13, 2021 thlen hun hawn a ni. October 30-ah vote thlakin, vote tlate chu November 2-ah chhiar a ni ang.