Vairengte MZP-in zirlaite an chawimawi

MZP Sub. Hqrs., Vairengte chuan Ningani khan St. Henry School, Vairengteah an huam chhunga graduate leh degree nei tharte chawimawina hun an buatsaih a, Kolasib DC Dr H Lalthlangliana'n

a hmanpui.

Zirlai chawimawina hi Vairengte MZP president Lalram­nghaka'n kaihruaiin, Dr H Lalthlangliana chuan zirlaite chu zir sang mai ni loa, lehkhathiam leh hman tlak nih tum tura fuihin, "Zirlaite zing a mi hlawhtling tam berte chu lehkha zir sang leh thiam theite aiin mi rilru chak lo zawka ngaihte an ni ṭhin. Zirna-ah hian rilru chak ringawt hi a pawimawh tawk loa, zirlaite tan theihnghilh neih hi a pawi bera theihnghilh kan neih ṭhin vang hian kan nih tur ang kan ni thei lo ṭhin," a ti.

Vairengte MZP chuan graduate leh degree nei thar mi 33 hnenah chawimawina an hlan bakah, president lo ni tawhte chawimawina an hlan tel nghal a ni.