Kohhran Thianghlim dintu Dr LB Sailo a thi

Kohhran Thianghlim dintu Dr LB Sailo (69), Chawlhhmun Veng, Aizawl chu nimin tlai dar 2:15 khan Ebenezer Hospital, Aizawlah zunthlum leh thisen sang vangin a thi.

A chanchin ziahnaa tarlan a nih danin, Dr LB Sailo hi February 2, 1952 khan a piang a, a tleirawl chhuah aṭangin thusawi thiam tak, Bible pawh hre tak a ni. Kum 1982 khan Mizoram-ah Krista Kraws thuchah hril turin Pathianin a ko chhuak a, a thu hril laimu chu Lal Isua Kraws; Krista thihna leh thawhlehna mai ni lo, Krista-a kan thihna leh thawhlehna thu a ni.

Kum 1991 khan Pa­thianin Mizoramah Solo­mon's Temple sa turin a hriattir a, kum 1996-ah lungphum phumin, December 25, 2017 khan hawn a ni.

Dr LB Sailo hi vete­rinary doctor niin Mizoram sorkar hnuaiah kum 1978 khan vety assistant surgeon-in a lut a, kum 2016 khan director a nih laiin a pension.