MJA-in Faina Hnatlang an nei

Mizoram Journalists' Association (MJA) chuan, ram pum huapa faina leh thianghlimna beihpui thlaka hmalakna kal zelah Inrinni khan faina hna­tlang an buatsaih a, Aizawl Press Club an tifai.

Faina Hnatlang puala inkhawm tawi buatsaihah MJA president Zonunsanga Khiangte chuan Mizoram sorkarin faina atana ruahmanna a siam dan fakawm a tih thu sawiin, "Kum danga la hriat ngai chiah loh, waste to art exhibition leh khawlaia bawlhhlawh paih leh chil chhakte dan awm sa tlawhchhana a hmuna mana pawisa chawitir ni, 'No Tolerance Day' hman a nite hi a ṭha hle," a ti a; bawlhhlawh thliar hran lamah pawh sorkarin hma a la zel chu lawmawm a tih thu a sawi.

MJA President chuan dan chu khauh taka lek­kawhin a hlawhtling mai ṭhin tih sawiin, "Faina lam­ah pawh tun ai hian hma kan sawn ang. Khawpui a fai chuan thingtlang lamin a zui mai dawn a ni," a ti.