World Hospice & Palliative Care Day
October 9, Inrinni kha World Hospice & Palliative Care Day a ni a, thupui atan ‘Mi tupawh, a mamawh apiangin rualkhai taka an ban phakin Palliative Care hi awm thei se' tih a ni.
Palliative Care hi WHO-in a hrilhfiah dan chuan thih hlauhawm dinhmuna ding mek damlote leh an chhungte’n, nuam leh hahdam zawka hun an hman theih nana an natna tawrh chhawk zangkhai leh a zual zel tur ven dan kawng zawn leh an taksa natna mai piah lama taksa, rilru leh thlarau lama tawrhna awm theite enkawl a ni.
Mizoramah pawh Palliative Care hi National Programme for Palliative Care (NPPC) hmalaknain October, 2016 aṭang khan kalpui a ni.
Kum 2020 chhungin palliative damlo 2,308 en a ni a, damlo 189 admit niin, palliative damlo thar 580 an awm belh.
Kum 2021-ah damlo 992 en a ni a, damlo 71 admit niin, damlo thar 218 an awm belh. Covid-19 hripui leng vangin home visit duhthusama kalpui theih a ni rih lo.