MNF-in adviser aṭangin Sailothanga an chawlhtir

MNF party chuan an adviser Sailothanga Sailo, Chhinga Veng chu Tuirial bial MLA by-election neih turah an party dan kalha cheah puhin, adviser aṭangin an chawlhtir. Sailothanga Sailo hian thu leh awm hma chu MNF gen. hqrs., block leh unit-ah eng nihna mah a chelh thei dawn lo.

Vanglaini palai zawhna chhangin Sailothanga Sailo chuan an party dan kalha a chet awm a hriat loh thu sawiin, "Ka bangbo khawp mai. Sawifiah tur pawh ka hre lo. Inthlan puan hnuah Tuirial bialah hian October 8-a kan chhungte tlawha Thingdawla ka kal bak, ka la kal lo hrim hrim. MNF mi leh sa ka la ni a, rinawm takin ka la MNF zel ang chu ka ti mai," a ti.

Sailothanga Sailo hi kum 2003 khan PC ticket-in Tuirial bialah (Kawnpui bial a nih lai) hian thlan tlin a lo ni tawh.

Kum 2013 inthlanah MNF ticket-in Aizawl East-II ah a ding a, kum 2018-ah MNF ticket vekin Tuirial bialah hian ding lehin pahnihna a ni a, Andrew H Thangliana chu vote 204-in a phak lo.