Mizoramah ni hnih chhungin Covid-19 vangin mi 10 an thi

Mizoramah Covid-19 vangin October 8, Zirtawpni tlai dar 5 aṭanga nimin tlai dar 5 chhung khan mi 10 an thi a, an zinga pakua chu natna dang nei sa an ni.

October 7, 2021 a thi tarlan hman loh pakhat a awm a; Covid-19 vanga Mizorama nimin tlai dar 5 thlenga thi zawng zawng chu 354 an ni tawh.

October 7, 2021 khan N Vanlalsanga (59), New Colony-I, Siaha chu Siaha DCHC-ah a thi. Damdawiina inentir tura a kalnaah hri a vei tih hmuh chhuah a ni a, natna dang nei sa a ni.

Zaithanmawii (40), Ramhlun North, Aizawl chu Zirtawp zan dar 11:25 khan ZMC-ah a thi. October 4 khan hri a kai tih hriat chhuah a ni.

Lalngaii (65), Salem Veng chu October 9, Inrinni tlai dar 5:45 khan ZMC-ah a thi. October 8-ah hri a vei tih hriat chhuah niin October 9 khan ZMC-ah admit a ni.

F Lalkaithanga (76), Dungtlang khua chu Inriini zan dar 8 khan ZMC-ah a thi. September 22 khan hri a vei tih hriat chhuah niin hemi ni vek hian ZMC-ah dahluh a ni.

Lalfangzauva (31), Dinthar, Aizawl chu Inrinni zan dar 10:30 khan ZMC-ah a thi. October ni 8-ah hri a vei tih hriat chhuah niin hemi ni vek hian ZMC-ah admit a ni.

V Parliana (85), Tuikual South chu nimin zing dar 2:45 khan ZMC-ah a thi. October 3-ah hri a vei tih hriat chhuah niin October 7 khan ZMC-ah admit a ni.

Lalthankunga (72), Republic Veng chu nimin zing dar 3 khan ZMC-ah a thi. September 28 khan hri a veii tih hriat chhuah niin hemi ni vek hian ZMC-ah dahluh a ni.

Tlangthangi (62), Siahatla-I chu nimin zing dar 4:20 khan Siaha DCHC-ah a thi. October 5-ah hri a kai tih hriat chhuah niin hemi ni vek hian DCHC-ah admit a ni.

R Zothlamuana (75), Zotlang, Lunglei chu nimin zing dar 5:10 khan Baptist CCC, Lungleiah a thi. October 9 khan hri a kai tih hriat chhuah niin hemi ni vek hian CCC-ah dahluh a ni.

K Lalnunmawia (64), Upper Republic chu nimin zing dar 7:20 ZMC-ah a thi. September 21-ah hri a kai tih hriat chhuah niin hemi ni vek hian ZMC-ah admit a ni.

Vanlalrinsangpuia, thla 3 mi, Edenthar, Aizawl chu nimin chhun dar 11 khan ZMC-ah a thi. October 9 khan hri a kai tih hriatchhuah niin hemi ni vek hian ZMC-ah admit nghal a ni.