Tlungvela sikulte hawn phalsak an ni

Aizawl DC chuan Tlungvel khaw huam chhunga sikul pathum - Tlungvel Higher Secon­dary School, Govt. Tlung­vel High School, Govt. Tlungvel Middle School I & II, Govt. Tlungvel Primary School II, III & IV leh Presbyterian English School-te hawn a phal sak.

AMC area pawna Covid-19 case nei lo khua­­ahte sikul hawn phal a ni a, amaherawhchu chung khuaahte chuan sikul hawn chungchang hi VLTF leh School Ma­nagement Committee (SMC) meeting-in a rel ṭhin tur a ni.

Sikul kal ṭha an tih chuan meeting minute copy thil telin DEO/SDEO hnenah report an pe ṭhin tur a ni. Heng report hi DEO/SDEO-in district administration-ah an hriattir ṭhin ang. Sikul kal dan tur/ kal ni tur chu VLTF leh SMC-ten an ruahman tur a ni.